Ўзбекистонда 2012 йил бошидан бери 13-марта провайдерлар учун интернет хизматлар тарифлари пасайтирилди
Тошкент. 17 июн. ЎзТАГ – “Ўзбектелеком” Акционерлик компанияси 2014 йилнинг 11 июнидан бошлаб Ўзбекистон интернет провайдерлари учун интернет хизматлар (ташқи канал) тарифларини 1 Мбит/секундига $306,04га қадар пасайтирди, дея хабар беради Ўзбек телеграф агент (ЎзТАГ).
Компания маълумотларига кўра, жорий йилда тарифлар илк маротаба пасайтирилган. Бундан олдин эса “Ўзбектелеком” мазкур тарифларни бир неча маротаба
пасайтирган эди. Хусусан, 2012 йилда тарифлар 7 марта камайтирилган: январда 1 Мбит/сга $500дан ноябрда $422гача. 2013йилда эса нархлар 5 марта озайтирилган: 1 Мбит/сга январда $409дан декабрда $322га қадар.
“Ўзбектелеком” Акционерлик компанияси – бутун Ўзбекистон ҳудудини қамраб олган тармоққа эга мамлакатдаги энг йирик телекоммуникация операторидир. Компания симли ва уяли, халқаро ва шаҳарлараро алоқа операторларига барча турдаги алоқа ва маълумот узатиш хизматларини кўрсатади.
