Ўзбекистонда 2018 йилги солиқ ўзгаришлари ҳақида сайт ишга туширилди

Тошкент. 23 феврал. ЎзТАГ – Ўзбекистонда 2018 йилги солиқ ўзгаришлари ҳақидаги Soliq2018.uz сайти ишга туширилди, деб хабар беради Ўзбек телеграф агентлиги (ЎзТАГ).

Ишлаб чиқувчиларнинг маълумотларига кўра, сайт ўзбек ва рус тилларида ишлаб чиқилган. Сайтдаги барча маълумотлар уч қисмга бўлинган: “Юридик шахслар учун солиқлар”, “Жисмоний шахслар учун солиқлар” ва “Якка тартибдаги тадбиркорлар учун солиқлар”. Ушбу бўлимларнинг ҳар бирида солиқ тўловчилар тоифасига мос келадиган солиқ турлари кўрсатилган.

Солиқ турларидан бирини танлашда фойдаланувчига 2017 ва 2018 йилги солиқ ставкалари бўйича таққослама маълумот ҳам тақдим этилади. Бундан ташқари, уларни чоп этиб олиш ҳам мумкин.

Лойиҳа Ўзбекистон Республикаси Президенти ҳузуридаги Миллий лойиҳа бошқаруви агентлиги томонидан ташаббуст билан очилган бўлиб, сайтнинг техник ижроси UZINFOCOM Ягона интегратори томонидан амалга оширилган.

Сурат манбаи: http://hetq.am/eng/print/20016/