Ўзбекистонда 2019 йилнинг энг яхши футболчиси ва мураббийи эълон қилинди

Тошкент. 25 декабрь. ЎзТАГ – Ўзбекистонда 2019 йилнинг энг яхши футболчиси ва мураббийи эълон қилинди, дея хабар беради Ўзбек телеграф агентлиги (ЎзТАГ).

"Ўзбекистон терма жамоаси ва" Бунёдкор" ФК бош мураббийи Вадим Абрамов энг яхши мураббий, ҳужумчи Элдор Шомуродов эса мамлакатнинг энг яхши футболчиси деб топилди", - дея хабар беради "Трибуна.уз" матбуот хизмати хабарида.

Қайд этилганидек, Ўзбекистон футбол Федерацияси (ЎФФ) томонидан ўтказилган овоз беришда Э.Шомуродов аввал 6 марта мукофот олган миллий терма жамоа сардори Одил Аҳмедовдан ўзиб кетди.

Эслатиб ўтамиз, Э.Шомуродов 2017 йилнинг ёзида Тошкентнинг "Бунёдкор" клубидан Ростов клубига ўтди. Ушбу мавсумда Элдор Россия Премьер-лигасининг (РПЛ) 19 ўйинида 10 та гол урган.

Аввалроқ, Шомуродов Fox Sport Asiaнинг нашрида Осиё–2019 нинг энг яхши футболчиси унвони учун номзод қилиб кўрсатилди. Номзодларга Осиё спорт нашрларининг вакиллари овоз беради.

Сурат манбаи: tribuna.uz