Ўзбекистонда 2020 йилга бориб блокчейнда ягона чипталар тизимини ишга тушириш режалаштирилмоқда

Тошкент. 29 ноябр. ЎзТАГ – Ўзбекистонда 2020 йилга бориб блокчейнда ягона чипталар тизимини ишга тушириш режалаштирилмоқда, деб хабар беради Ўзбек телеграф агентлиги (ЎзТАГ).

Вазирлар Маҳкамасининг “Чипта операцияларининг ягона электрон тизими” қарори лойиҳаси қунунчилик ҳужжатларини муҳокама қилиш порталига жамоатчилик муҳокамаси учун жойлаштирилди.

“Маданият вазирлиги, Маданият ҳузуридаги Маданият ва санъат фонди, Молия вазирлиги ва Ўзбекистон Республикаси Ахборот технологиялари ва коммуникацияларни ривожлантириш вазирлигининг Блокчейндан фойдаланган ҳолда маданий ва санъат муассасаларида чипта операцияларининг ягона электрон тизимини ишлаб чиқиш ва жорий этиш бўйича таклифи маъқуллансин”, - дейилади ҳужжатда.

Қонун лойиҳасида маданият ва санъат соҳасидаги тадбиркорлар, шунингдек, чипталар чиқарилиши билан боғлиқ соҳалар (шу жумладан кино ва театрлар) тизимга белгиланган тартибда уланиши мумкинлиги қайд этилган. Юридик шахсларнинг электрон билетларни сотиш ва реализация қилиш бўйича муваффақиятли операциялар қийматининг 6% миқдорида хизмат ҳақи олиниши режаланмоқда.

Тизимни фонднинг ўз маблағлари ҳисобидан яратиш ва ишга тушириш режалаштирилмоқда. Агар лойиҳа тасдиқланса, фонд 2020 йил 1-апрелгача Марказий банк билан биргаликда тизим доирасида интернет-эквайрингни қўллаган ҳолда хорижий валютада чипталарни сотиб олиш учун электрон тўлов механизмларини жорий этади.

Ҳужжат муҳокамаси 2018 йил 12 декабргача давом этади.

Сурат манбаи: https://www.kv.by