Ўзбекистонда $225 млнлик калий заводи қуриб битказилди

Тошкент. 13 март. ЎзТАГ – “Ўзкимёмсаноат” давлат акционерлик компанияси мамлакат жануби Қашқадарё вилоятидаги Деҳқонобод калийли ўғитлар заводининг иккинчи босқичи қурилишини ниҳоясига етказди, дея хабар берди Қозоқ телеграф агентлигига (КазТАГ) завод маъмурияти вакили.
“Айни пайтда иккинчи босқич технологик линияларини ишга туширишга тайёрлаш ишлари бормоқда”, - деди завод вакили чоршанба куни.
Қиймати $254,5 млн бўлган Деҳқонобод заводининг иккинчи босқичи завод қувватини уч маротаба – йилига 600 минг тоннагача калийли ўғит ишлаб чиқаришга қадар оширишни кўзда тутади. Шундан 350 минг тонна атрофида ўғит экспортга чиқарилади.
Эслатиб ўтамиз, “Ўзкимёсаноат” $123,7 млн. қийматга эга Деҳқонобод калийли ўғитлар заводининг 200 минг тонна калийли ўғитлар ишлаб чиқариш қувватига эга бўлган биринчи босқичини 2010 йил сентябрда ишга туширган эди.
2011 йилда Россиянинг “Ғарбий Урал машинасозлик концерни” Ўзкимёсаноат” ДАК билан қазиб олувчи мажмуанинг қувватини кенгайтириш ҳақида $128 млнлик шартнома имзолади, Хитойнинг CITIC Ltd компанияси эса Ўзкимёсаноат” билан завод бойинтириш мажмуи қувватларини кенгайтиришни кўзда тутувчи $110 млнлик шартнома тузди.
Расмий маълумотларга кўра, 2013 йилда Ўзбекистонда калийли ўғитлар ишлаб чиқариш 1,32 мартага камайиб, 84,6 минг тоннани ташкил этган.
Бундан илгарироқ эса, Ўзбекистон Хитой бозорига йилига 100 минг тоннагача калийли ўғитлар етказиб беришни бошлаши ҳақида хабар қилинган эди. Бу ҳақида дастлабги келишув жорий йилнинг биринчи чорагида имзоланиши режалаштирилган эди.