Ўзбекистонда 26 минг тонна пилла тайёрланди
Дата: 13:03, 20-06-2014.
Тошкент. 20 июн. ЎзТАГ – Ўзбекистонда жорий мавсумда 26 минг тонна пилла тайёрланди, дея хабар беради Ўзбек телеграф агентлиги (ЎзТАГ). Бу кўрсаткич ўтган йилдаги натижага қараганда минг тоннага кўп.
Ўзбекистон Қишлоқ ва сув хўжалиги вазирлигидан маълум қилишларича, бу йилги мавсумда пиллакорлар 445 минг қутидан зиёд ипак қурти уруғини парваришлаб, ҳар қутидан ўртача 58 килограммдан ҳосил олганлар, ҳосилнинг 90% ортиғи юқори навларга сотилган.
Қайд этиш керакки, 1 тонна пилладан 350 килограмм ипак, 20 минг метр адрас, 13 минг метр атлас олиш мумкин.
