Ўзбекистонда 3 йилда мактабларни қуриш ва таъмирлашга 2,129 трлн сўм сарфланди

Тошкент. 16 апрель. ЎзТАГ – 2011-2013 йилларда Ўзбекистонда умумтаълим мактабларини қуриш ва таъмирлашга 2,129 трлн сўм ($937 млн) миқдорда маблағ сарфланди, дея хабар беради Ўзбек телеграф агентлиги (ЎзТАГ).
Ўзбекистон Халқ таълими вазирлигининг Умумтаълим муассасалари фаолияти ишини ташкил қилиш Бош бошқармаси бошлиғи Файзулло Аҳмедовнинг хабар беришича, ушбу маблағларга 428 янги мактаб бинолари қурилди. Бундан ташқари, 3 мингдан ошиқ мактабларда бинолар ва инженер-коммуникация тизимлари тўлиқ реконструкция қилинди, 4 мингдан ошиғида бино ва иншоотлар капитал таъмирдан чиқарилди.
Реконструкция қилинган мактабларнинг 81% қишлоқ жойларда, 3% бориш қийин бўлган ерларда жойлашган.
“Агар 1991 йилда ўқувчиларнинг дарсликлар билан таъминланганлик даражаси 55,4% ташкил этган бўлса, 2014 йилга келиб бу кўсаткич 99,4% етди. 2004-2014 йилларда ўқувчилар учун 195,96 млн дона дарсликлар чоп этилди ва етказиб берилди. “, - деб таъкидлади Ф. Аҳмедов.