Ўзбекистонда абитуриентлар хужжатларини қайтариб олиш учун электрон ариза беришлари мумкин

Тошкент. 15 август. ЎзТАГ. Ягона интерактив давлат хизматлари порталида (ЯИДХП) “Абитуриент хужжатлари тўпламини қайтариш учун электрон ариза бериш” хизмати жорий этилди, дея хабар қилади Ўзбек телеграф агентлиги (ЎзТАГ).

“Кириш имтиҳонлари натижалари эълон қилинганидан кейин абитуриентлар ОЎЮга кириш учун топширилган хужжатлар тўпламини қайтариб олиш учун электрон ариза бериш имкониятига эга бўладилар. Ушбу хизмат хужжат топширилган ўқув юртидан олисда истиқомат қилувчи абитуриентлар учун қулай. Натижада хужжатлар абитуриентга почта орқали қайтарилади. Ариза берувчи хужжатлар тўпламини почта бўлинмасидан паспортини кўрсатган ҳолда шахсан қайтариб олади”, - деб таъкидлашди ЯИДХП матбуот хизматида.

Хизмат пулли бўлиб, бунинг учун мамлакатдаги энг кам иш ҳақи миқдорининг (ЭКИҲ) 15 фоизи миқдорида ҳақ олинади.

Эслатиб ўтамизки, жорий йилда ОЎЮга кириш учун 543 минг киши хужжат топширган бўлиб, битта жойга ўртача 9 киши даъвогарлик қилмоқда.

1 ЭКИҲ = 96,105 сўм.