Ўзбекистонда адвокатлик гувоҳномасини беришнинг янги тартиби жорий этилди
Тошкент. 26 сентябрь. ЎзТАГ – Ўзбекистонда адвокатлик гувоҳномасини беришнинг янги тартиби жорий этилди, дея хабар беради Ўзбек телеграф агентлиги (ЎзТАГ).
Адлия вазирлиги маълумотларига кўра, ҳукуматнинг 2019 йил 24 сентябрдаги 807-сонли қарори билан адвокатлик гувоҳномасини бериш тартиби тўғрисидаги Низом тасдиқланди. Низомга мувофиқ, адвокатлик гувоҳномаси адвокат мақомини тасдиқловчи ҳужжатдир.
"Гувоҳномани бериш қуйидаги босқичларда амалга оширилади: аризачи ёки адвокат тегишли адлия ҳудудий органига адвокатлик таркибига аъзо бўлган кундан ёки адвокатлик таркибини рўйхатдан ўтказиш тўғрисида гувоҳнома берган куннинг эртасидан кечиктирмай шахсан мурожаат қилади; гувоҳномани расмийлаштириш ва бериш адлия ҳудудий органи томонидан 2 кунлик муддатда амалга оширилади, гувоҳнома адлия ҳудудий органи раҳбари томонидан имзоланади; адвокатлар палатасининг тегишли ҳудудий бошқармасига 3 иш куни ичида ёзма равишда гувоҳнома тафсилотлари кўрсатилган хабарнома юборилади", – дейилади хабарда.
Қайд этилганидек, адвокат хабарнома олинган кундан бошлаб Адвокатлар палатаси аъзоси бўлади. Адвокат мақоми билан боғлиқ маълумотлар адвокатлар давлат реестрига киритилган.
"Сертификат бутун республика ҳудудида амал қилади ва амал қилиш муддати чекланмаган", - деб якунланади хабарда.
Сурат манбаи: advgazeta.ru
