Ўзбекистонда акционерлик жамиятлари тўғрисидаги қонунга тузатишлар киритиш муҳокама қилинмоқда

Тошкент. 5 март. ЎзТАГ – Ўзбекистонда “Ўзбекистон Республикасининг “Акционерлик жамиятлари ва акционерлар ҳуқуқларини муҳофаза қилиш тўғрисидаги”ги қонунига ўзгартиш ва қўшимчалар киритиш ҳақида” қонун лойиҳасини муҳокама қилиш давом этмоқда. Қонун лойиҳаси депутатлар томонидан биринчи ўқишда кўриб чиқилган, дея хабар беради Ўзбек телеграф агентлиги (ЎзТАГ).

Парламент қуйи палатасидан хабар қилишларича, амалдаги қонунга тузатишлар яқинда “Миллий тикланиш” Ўзбекистон Демократик партияси томонидан ташкил этилган эксперт семинарида муҳокама қилинган.

Мутахассисларнинг фикрига кўра, киритилаётган ўзгартишлар, хусусан, акционерлик жамиятини ўрта ва узоқ муддатли истиқболда ривожлантириш стратегиясини акционерлар умумий йиғилишида тасдиқлашга таалуқли бўлиши зарур.

Шунингдек, кузатув кенгаши ва ижроя органининг жамият ривожи стратегияси бўйича ҳисоботларини доимий тинглашнинг қонуний асосларини тасдиқлаш зарур.

Шунингдек, хужжатда акционерлик жамиятлари фаолияти билан боғлиқ қатор янги меъёрлар кўзда тутилмоқда. Ушбу чоралар ўзбек ишлаб чиқарувчилари, хусусан, акционерлик жамиятларини самарали қўллаб-қувватлаш, уларда корпоратив бошқарувни ривожлантириш, миноритар акционерлар ҳуқуқларини муҳофаза қилиш ишига кўмаклашиши зарур.