Ўзбекистонда ғалланинг ўртача ҳосилдорлиги гектарига 55 центнерга тенг
Тошкент. 27 январ. ЎзТАГ – 2015 йилда Ўзбекистонда ғалланинг ўртача ҳосилдорлиги гектарига 55 центнерга, баъзи туманларда 60-77 центнерга тенг бўлди, деб хабар беради Ўзбек телеграф агентлиги (ЎзТАГ).
Ушбу маълумотлар Вазирлар Маҳкамасининг 2016 йил 15 январдаги якуний мажлисида келтириб ўтилди. Унда мамлакатда 7,5 млн тонндан зиёд ғалла, 3,35 млн тоннадан ортиқ пахта олингани таъкидланган.
Президентнинг фикрига кўра, қишлоқ хўжалигида чуқур таркибий ўзгаришлар кузатилмоқда. “Таъкидлаш керакки, бундай мўл ҳосил асосан қишлоқ хўжалигида ишлаб чиқаришни жадаллаштириш, селекция ишларини яхшилаш, ғўза ва бошоқли дон экинларининг районлаштирилган навларини жорий қилиш, замонавий агротехнологияларни ўзлаштириш эвазига таъминланди”, - дейилади маърузада.
