Ўзбекистонда қандли диабетни аниқлашнинг янги усули топилди
Тошкент. 26 август. ЎзТАГ – Тошкент врачлар малакасини ошириш институти ходимлари иккинчи типдаги қандли диабетга мойилликни аниқлаш усулини яратдилар, деб хабар беради Ўзбек телеграф агентлиги (ЎзТАГ).
Интеллектуал мулк агентлиги сайтидаги маълумотга кўра, ушбу усул тиббиёт, чунончи иккинчи типдаги қандли диабетга мойилликни эрта ташҳислашда қўлланилади.
Таъкидланишича, олимларнинг олдига қўйилган вазифа касалликни олдини олувчи профилактика чораларини олиб бориш мақсадида ҳамда иккинчи типдаги қандли диабет хавфини келтириб чиқарувчи омилларни, масалан, ўткир ҳамда узоқ муддатли психоэмоционал стрессни бартараф этиш учун иккинчи типдаги қандли диабетга мойилликни, унинг эҳтимолдаги ривожланишидан кўп йиллар олдин аниқлашга ёрдам беришдан иборат эди.
