Ўзбекистонда ҳарбий кийим-бошларни қонунга хилоф равишда кийиб юрганлик учун жарима 861200 сўмни ташкил қилади
Тошкент. 6 январ. ЎзТАГ – Ўзбекистонда ҳарбий кийим-бошларни қонунга хилоф равишда кийиб юрганлик учун жарима 861200 сўмни ташкил қилади, деб хабар беради Ўзбек телеграф агентлиги (ЎзТАГ) маҳаллий ОАВга асосланган ҳолда.
Бу “Айрим давлат органлари фаолияти такомиллаштирилиши, шунингдек фуқароларнинг ҳуқуқлари ва эркинликларини ҳимоя қилиш кафолатларини таъминлашга доир қўшимча чора-тадбирлар қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун билан Маъмурий жавобгарлик тўғрисидаги кодекснинг 201 моддасига киритилган ўзгартишларда кўзда тутилган.
Аниқлаштирилича, ҳарбий кийим-бошларни қонунга хилоф равишда кийиб юрганлик учун жарима энг кам ойлик иш ҳақи миқдорининг (ЭКОИҲМ) без бараварини ташкил этади. Бундан олдин ушбу қонунбузарлик учун жазо белгиланмаган эди.
Қонун президент Шавкат Мирзиёев томонидан имзоланган ва кучга кирган.
$1=8136,67 сўм
1 ЭКОИҲМ – 172240 сўм
Сурат манбаи: https://eadaily.com/ru/news/2016/04/05/uzbekskaya-armiya-silneyshaya-v-centralnoy-azii
