Ўзбекистонда Қарши-Термиз темир йўли электрлаштирилди
Тошкент. 12 январ. ЎзТАГ – 9 январда электрлаштирилган Қарши-Термиз темир йўл участкасининг очилиши бўлиб ўтди, деб хабар беради Ўзбек телеграф агентлиги (ЎзТАГ).
“Ўзбекистон темир йўллари” АЖ маълумотига кўра, ушбу лойиҳа Ўзбекистон президентининг 2012 йил 21 февралдаги ПҚ-1712 сони қарорига мувофиқ амалга оширилди.
Қайд этиб ўтамизки, Қарши-Термиз темир йўлини электрлаштириш тепловозларни замонавий электровозларга алмаштирилиш имконини беради. Бу эса йўловчи ва юкларни ташишда транспорт харажатларининг учдан бирга қисқартиради.
Бундан ташқари, ҳаракатланиш тезлигини сезиларли даражада оширишга кўмаклашиб, темир йўлларнинг ўтказувчанлик қобилиятини кўтаради, тепловозларнинг ўрнига замонавий электровозлардан фойдаланиш экологияни яхшилайди.
Электрлаштирилган Қарши-Термиз темир йўл участкасининг умумий узунлиги 325 километрдан иборат. Лойиҳанинг умумий қиймати $327,6 млн. Лойиҳа доирасида 6 та – Тошгузар, Дехқонобод, Оқработ, Бойсун, Қумқурғон, 165-разъезд таянч нимстанциялари қурилди.
Таянч нимстанциялар мураккаб об-ҳаво шароитларида барпо этилди. Шунингдек, ушбу участка замонавий сигнализация ва алоқа тизими билан жиҳозланган. Термез локомотив депоси таъмирланиб, унда янги импорт ускуналар ўрнатилди.
Сурат манбаи: https://www.uzdaily.uz/articles-id-35694.htm
