Ўзбекистонда асосий капиталга 9,6 трлн сўм хорижий инвестиция ва кредитлар ўзлаштирилди

Тошкент. 13 ноябр. ЎзТАГ – 2017 йил январ-сентябрда Ўзбекистонда асосий капиталга 9,6 трлн сўм хорижий инвестиция ва кредитлар ўзлаштирилди, деб хабар беради Ўзбек телеграф агентлиги (ЎзТАГ).

Ўзбекистон Давлат статистика қўмитаси маълумотларига кўра, бу 2016 йилнинг муқобил давридагига қараганда 10,1% зиёддир.

Ҳисобот даврида Ўзбекистон Республикаси бўйича инвестиция ва кредитлар умумий ҳажмида ҳорижий инвестиция ва кредитлар улуши 81,9% ташкил этди.

Қайта ишланмаган нефть ва табиий газ йўналишида ўзлаштирилган хорижий инвестициялар умумий ҳажмида ҳорижий инвестиция ва кредитлар улушида 61,8% ташкил этди ва 2016 йилнинг январ-сентябрига нисбатан 22,3 фоиз пунктига ошган. Ўз навбатида, текстиль буюмлар ва кийимлар ишлаб чиқариш 5,6% кўпайган (2,0 фоиз пунктига).