Ўзбекистонда ҳатто пул етмаган ҳолда ҳам пластик карточка орқали ҳаридлар қилиш мумкин бўлади
Тошкент. 2 август. ЎзТАГ – Ўзбекистонда ҳатто пул етмаган ҳолда ҳам пластик карточка орқали ҳаридлар қилиш мумкин, деб хабар беради Ўзбек телеграф агентлиги (ЎзТАГ).
Бу Ўзбекистон Марказий банки бошқарувининг 24 июлда кучга кирган “Жисмоний шахсларга банк пластик карточкаси орқали овердрафт кредити бериш низомини тасдиқлаш тўғрисида”ги қарори билан кўзда тутилган. Хужжат lex.uz Миллий қонунчилик сайтида жойлаштирилган.
Ўзгартишларга мувофиқ, банк карта эгасига пластик карточка қолдиғидан зиёд бўлган сумма миқдорида тўловларни амалга оширишга имкон беради.
Бунинг учун жисмоний шахс банк билан овердрафт шартномаси тузиши зарур.
Хусусан, овердрафт Ўзбекистон Республикаси миллий валютасида, қайтаришлик, тўловлилик, муддатлилик ва таъминланганлик шартлари билан берилади. Овердрафтда мақсадлилик шартлари қўлланилмайди.
Банк овердрафтни аризачига ўртача ойлик иш ҳақининг 3 баробаригача бўлган миқдорда 12 ойгача бўлган муддатга овердрафт шартномасига илова қилинган жадвалга мувофиқ босқичма-босқич қайтариш шарти билан бериши мумкин.
