Ўзбекистонда автомобилларнинг нархлари америка доллари курсига боғлиқ бўлади
Дата: 18:25, 01-06-2017.
Тошкент. 1 июн. ЎзТАГ – Ўзбекистонда автомобилларнинг нархлари америка доллари курсига боғлиқ бўлади, деб хабар беради Ўзбек телеграф агентлиги (ЎзТАГ).
Бу GM Uzbekistan қўшма корхонаси ўз сайтида компания томонидан ишлаб чиқарилувчи автомобилларнинг янги нархларини эълон қилганидан кейин маълум бўлди.
GM Uzbekistanнинг янги нархномасига мувофиқ, эндиликда барча автомобиллар миллий валютада Марказий банкнинг тўлов кунидаги АҚШ доллари курси эквивалентида сотилади.
Эслатиб ўтамизки, Ўзбекистон Президентининг 26 майдаги қарорига мувофиқ, GM Uzbekistan барча автомобилларни фақатгина миллий валютада сотиши кўзда тутилган эди. Бунга қадар машиналар ҳам сўм, ҳам АҚШ долларида (банк пластик картаси орқали) сотилар эди.
