Ўзбекистонда бўлажак 100 томлик халқ ижоди сериясига кирувчи икки китоб чоп қилинди
Дата: 15:35, 16-10-2015.
Тошкент. 16 октябр. ЎзТАГ – Ўзбекистонда бўлажак 100 томлик “Ўзбек халқ оғзаки ижоди” сериясига кирувчи икки китоб чоп қилинди, деб хабар беради Ўзбек телеграф агентлиги (ЎзТАГ).
Ўзбек алоқа ва ахборот агентлигидан маълум қилишларича, китоблар Ғафур Ғулом номидаги ноширлик-полиграфия ижодий уйи томонидан чоп этилган.
Сериянинг биринчи томида Фозил Йўлдош ўғли томонидан айтилган “Алпомиш” достони чоп қилинган.
Иккинчи томда эса Муҳаммадқул Жонмурод ўли Пўлкан ва Фозил Йўлдош ўғлининг “Юсуф ва Аҳмад” достони босиб чиқарилган.
Ҳар икки китоб Ўзбекистон Республикаси Фанлар академиясининг Алишер Навоий номидаги Тил ва адабиёт институти ходимлари томонидан нашрга тайёрланган.
