Ўзбекистонда “Beeline” абонентлари пенсияларининг миқдорини SMS-орқали билиб олишлари мумкин

Тошкент. 4 феврал. ЎзТАГ – Ўзбекистонда “Beeline” абонентлари пенсияларининг миқдорини SMS-орқали билиб олишлари мумкин, дея хабар беради Ўзбек телеграф агентлиги (ЎзТАГ).

Бугун компаниядан хабар беришларича, хизматдан фойдаланиш учун ўз пенсия иши рақамини SMS-хабар орқали 10711 қисқа рақамига жўнатиш зарур. SMS-хабарнинг баҳоси $0,02га тенг. Жўнатишдан 30 кун кейин пенсияни ўтказиш пайтида абонент пенсия миқдори, тўлов тури (банк ёки почта) ва ўтказиш муддати ҳақида SMS-хабар олади. Пенсия ID-рақамини абонент Бюджетдан ташқари пенсия жамғармасида олиши мумкин.

Эслатиб ўтамизки, “Beeline” бренди “Unitel” МЧЖнинг Ўзбекистон ҳудудидаги савдо белгисидир. “Unitel” компанияси 1996 йилда ташкил этилган бўлиб, 2006 йил сентябрдан бери ушбу бренд остида хизматлар кўрсатади.

2014 йилнинг III чораги якунлари бўйича компания абонентлари сони 10,529 млнга тенг бўлган.