Ўзбекистонда Beelineнинг янги техник директори тайинланди

Тошкент. 7 январ. ЎзТАГ – Ўзбекистоннинг энг йирик мобил алоқа оператори Beeline Евгений Ключевнинг компания техник директори лавозимига тайинланганлигини маълум қилди, дея хабар беради Ўзбек телеграф агентлиги (ЎзТАГ).

“У мазкур лавозимда 2014 йилнинг 20 октябр куни иш фаолиятини якунлаган Денис Котляренкони ўрнини эгаллади. Янги лавозимда Евгений мобил ва симли алоқа тармоқларини ривожлантириш ва фойдаланиш, шунингдек кенг полосали Интернет учун жавоб беради”, – деб таъкидлашди мобиль оператор матбуот хизматида.

“Хизматлар сифатини мижозларнинг ўсиб бораётган эҳтиёжларидан ошган ҳолда, доимий равишда яхшилаш лозим. Менинг диққат-эътиборим истеъмолчи тармоғининг хусусиятларига, ускуналарнинг юксак даражали фаолияти ва унинг фаолиятининг аниқ жараёнларини қўллаб-қувватлашга қаратилган бўлади”, – дея қайд этди Евгений Ключев.

Илгари Ключев “Ростелеком” компаниясига қарашли “РТ-Мобайл” ЁАЖ  компаниясининг техник директори бўлиб ишлаган.