Ўзбекистонда биноларнинг ташқи ўзгаришларига ҳақида низом қабул қилинди
Тошкент. 14 март. ЎзТАГ – Ўзбекистонда бино ва иншоотларнинг ташқи ўзгаришларини келишиш тартиби ҳақидаги низом қабул қилинди. Хужжат 9 мартда Вазирлар Маҳкамасининг 70 қарори билан тасдиқланган, деб хабар беради Ўзбек телеграф агентлиги (ЎзТАГ).
Низомда кўрсатилишича, бино ва иншоотнинг ташқи кўриниши – унинг кўчадан кўринадиган олд қисмидир. Ташқи ўзгариш деганда бино бош ва ён олд қисмларнинг (қуёшдан ҳимояловчи қисмлари, устунлари, томи, ойна жойлари, балконлар, кириш жойлари) ранги, асосий меъморчилик элементлари тузилиши ва ҳажмларини бино ва иншоот ҳажми ва майдонини ўзгартишсиз ўзгартириш назарда тутилади.
Ўзгартишларни келишиш бино ва иншоот шаҳар ва туман аҳамиятига эга магистрал кўчалар, халқаро ва маҳаллий аҳамиятдаги йўллар четида жойлашган бўлгандагина зарур бўлади. Уларнинг рўйхати билан Давлат меъморчилик қўмитасининг интернетдаги расмий сайтида ҳамда тадбиркорлик субъектларига хизмат кўрсатиш бўйича марказлардаги электрон таблоларда таниши мумкин.
Туманларнинг маъмурий маркази бўлмаган, поселкаларда, қишлоқларда жойлашган бино ва иншоотлар бўйича келишиш талаб қилинмайди.
Келишув ваколатли орган томонидан юридик ёки жисмоний шахснинг Ягона портал ёки “бир ойна” маркази орқали берилган аризаси асосида амалга оширилади.
Аризани кўриб чиқиш учун йиғим олинмайди.
Низомда келишиш учун зарур бўлган аризалар рўйхати ҳам келтирилган. Улар орасида келишилган эскиз лойиҳаси, рад этилиш сабабларии кабилар ҳам санаб ўтилган. Ариза 6 кунда кўриб чиқилади. Келишилган лойиҳа рухсат берувчи хужжат ҳисобланади.
Келишиш аризаси рад этилганда аризачи кўрсатилган сабабларни бартараф этиб хужжатларни қайта кўриб чиқиш учун тақдим этиши мумкин.
