Ўзбекистонда бир неча авиарейслар туман туфайли кечикди

Тошкент. 16 декабрь. ЎзТАГ – Ўзбекистонда бир нечта авиарейслар туман туфайли кечикди, дея хабар беради Ўзбек телеграф агентлиги (ЎзТАГ).

"Uzbekistan Airways метеорологик шароитларнинг ёмонлашуви (туман, етарли кўринмаслик) туфайли бир нечта рейслар кечиктирилиши кутилаётганлигини маълум қилади", - дейилади компания матбуот хизмати хабарида.

Хусусан, Наманган аэропорти ёпилди (кўриниши 50 метр). HY-095 (Тошкент – Наманган) рейси 09.30 га кўчирилди.

Шунингдек, Тошкент аэропортида кўринмаслиги сабабли HY-042 (Самарқанд – Тошкент) қатнови 09.30 га кўчирилди. Шу муносабат билан HY-065 (Тошкент –Термиз) рейси 10.30 га кўчирилди.

Бундан ташқари, HY-3620 (Жидда – Тошкент) ҳаво кемасининг командири 07.17 да етарли кўринмаслик сабабли туфайли Бухоро аэропортига самолётни қўндиришга қарор қилди. Айни пайтда самолёт аэропортда учиб кетишга тайёргарлик кўрмоқда.

Сурат манбаи: t.me/uzbekistanairways