Ўзбекистонда бирданига иккита кўмир шахталарини қуриш бошланади

Тошкент. 15 март. ЎзТАГ – “Ўзбеккўмир” компанияси яқин йиллар орасида янги шахталар қуриш бўйича бирданига икки лойиҳани амалга оширишни бошлайди, деб хабар беради Ўзбек телеграф агентлиги (ЎзТАГ).  

“Нишбош” шахтасининг қурилиши $175,2 млнга баҳоланмоқда. Бугунги кунда маҳаллий мутахассислар лойиҳа ишларини ўтказиб, уни келаси йилда амалга ошириш учун техник-иқтисодий асосномани тайёрлашмоқда”, - деб хабар қилади “Ўзбеккўмир” матбуот хизмати.

Қурилиши жорий йилда бошланадиган иккинчи лойиҳа – “Ангрен” шахтасидир. Лойиҳанинг ялпи қиймати $165 млнга тенг. “Ўзбеккўмир” компанияси мутахассислари техник-иқтисодий асосномани ишлаб чиқишни якунламоқдалар ва йил охиригача бош пудратчини танлашни режалаштирмоқдалар.

Шахталарнинг ҳар бири лойиҳа қувватига чиққач йилига 4 млн тонна атрофида кўмир ишлаб чиқаради.