Ўзбекистонда биринчи маротаба Инҳа университетига кириш имтиҳонларини online тарзда кузатиш мумкин бўлди

Тошкент. 29 июл. ЎзТАГ – Тошкент шаҳридаги Инҳа университети (IUT) Ўзбекистонда биринчи маротаба 29-июл куни бўлиб ўтган кириш имтиҳонларини кузатишни истаганлар учун кириш имтиҳони жараёнларини реал вақт режимида online намойиш имкониятини яратди, деб хабар беради Ўзбек телеграф агентлиги (ЎзТАГ).

ОТМ матбуот хизмати маълумотларига кўра, IUT имтиҳон куни бутун жамоатчилик учун кириш имтиҳонлари жараёнини видео орқали кузатишни ташкил қилди. Бунда барча хоҳловчилар кириш имтиҳонлари жараёнларини live.inha.uz. Ҳаволаси орқали online тарзда кузатишлари мумкин бўлди.

Бунинг учун кириш имтиҳонлари ўтадиган залда веб-камералар ўрнатилган бўлиб, улар ёрдамида кириш имтиҳони жараёнларини online кузатиш мумкин бўлди.

Мазкур саҳифа TAS-IX ҳудудида жойлашганлиги сабабли, видео оқимнинг юкланишдаги тезлигини таъминлади. 

Ўзбекистонда биринчи маротаба амалга оширилаётган лойиҳа “East Telecom”ва “Real Solutions” компаниялари билан ҳамкорликда ташкиллаштирилди.