Ўзбекистонда бизнес-Омбудсман институтини яратиш муҳокама қилинмоқда
Тошкент. 6 январ. ЎзТАГ – Тошкентда Олий Мажлис ҳузурида Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил институтини (бизнес-Омбудсман) ташкил этишга бағишланган семинар ўтказилди, деб хабар беради Ўзбек телеграф агентлиги (ЎзТАГ).
Бизнес-Омбудсман институти тадбиркорлик субъектларининг ҳуқуқлари ва қонуний манфаатларини ҳимоя қилишда парламент назоратини кучайтиришга хизмат қилади.
Институт давлат органлари, ҳуқуқни муҳофаза қилувчи ва назорат қилувчи органлар, шунингдек, маҳаллий давлат ҳокимияти органлари томонидан тадбиркорлик субъектларининг ҳуқуқлари ва қонуний манфаатларига риоя этилиши кўмаклашиши кутилмоқда.
Эслатиб ўтамизки, янги таркибнинг яратилиши президентнинг “Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида”ги Фармонда кўзда тутилган.
