Ўзбекистонда Бутунжаҳон футбол куни нишонланади

Дата: 17:05, 26-04-2018.

Тошкент. 26 апрел. ЎзТАГ - 15 май куни Ўзбекистонда Бутунжаҳон футбол ва дўстлик куни нишонланади, деб xабар беради Ўзбек телеграф агентлиги (ЎзТАГ) Ўзбекистон Футбол уюшмасига (ЎФУ) таянган ҳолда.

ЎФУ тадбирлар умумтаълим мактабларининг 2009 йилда туғилган ўғил ва 2007 йилга туғилган қиз болалар ўртасида ОФК оммавий болалар футбол кунига бағишланган фестивал доирасида сунъий қопламали майдонда ўтказилади.

Ушбу футбол фестивали “Дўстлик учун футбол-2018” дастурининг ёш ўзбек элчиси, “Бунёдкор” футбол мактаби дарвозабони сифатида қатнашаётган Муслим Абдуманоппов ва ёш журналист Марадон Марупов иштирокида бўлиб ўтиши кутилмоқда.

Ёш иштирокчилар футбол майдонида ўзларининг малакаларини намойиш этишади. Иштирокчилар гуруҳларга бўлинади ва уларнинг хар бири ўз мураббийсига эга бўлади. Шундан сўнг барча болалар футбол ўрганиш учун жиҳозланган ўйин станцияларга йўл оладилар. Фестиваль давомида футбол мураббийлари ўғил-қизларга футбол ўйинининг асосий теxник элементларини ўргатадилар.

Тадбир якунлангач ёш элчи ва ёш журналист қўлларига дўстлик боғичларини тақиб фестивал иштирокчилари орасидан кўплаб янги дўстлар орттирадилар.

Бундан ташқари, Ўзбекистоннинг ёш элчилари ва “Дўстлик учун футбол” дастурининг яна 1500 нафар иштирокчиси 2018 йил июн ойида Москвага келадилар.

Эслатиб ўтамизки, 25 апрель куни бутун дунёда Бутунжахон футбол ва дўстлик куни сифатида нишонланди.

Сурат манбаи: https://www.skuola.net/news/quiz/quiz-calcio.html

Янгилик билан ўртоқлашиш: