Ўзбекистонда Challenge конкури бўйича Жаҳон кубоги якунланди

Тошкент. 15 сентябр. ЎзТАГ –12-14 сентябр кунлари Тошкент яқинидаги “Аллюр” от спорти клуби базасида Challenge конкури бўйича Жаҳон кубоги мусобақалари бўлиб ўтди, дея хабар қилади Ўзбек телеграф агентлиги (ЎзТАГ).

“Рамиро номли отда чиқиш қилган Азам Талибаев “катталар” мусобақаларнинг мутлақ етакчиси бўлди. У кўрсатган умумий вақт 111,26 секундни ташкил этиб, чиқишда битта ҳам хатога йўл қўйилмади. Бундан яхшироқ натижани Кватро Джуниор номли отда қатнашган Ғайрат Назаров кўрсатди. Ушбу жуфтлик барча чиқишлар бўйича 104,12 секунд натижа қайд этди. Лекин тўсиқни енгиб ўтишдаги битта хато туфайли иккинчи ўринни олди. Етакчи учликка Азиз Содиқов ҳам ўзининг Бека номли оти билан 110,55 секунд натижа билан кирди”, – деб таъкидлашди мамлакат От спорти федерациясида.

Ўсмирлар мусобақаларининг ғолиби эса Демилион лиқабли отда қатнашган Оқил Собиржонов бўлди. Чиқишда битта ҳам хатога йўл қўймаган чавандоз 117,19 секунд натижа кўрсатди.

Эслатиб ўтамизки, илгари ЎзТАГ “Аллюр” от спорти клуби базасида (Тошкент вилояти, Бўстонлиқ тумани) Challenge конкури бўйича Жаҳон кубоги мусобақалари бўлиб ўтиши ҳақида хабар қилган эди.