Ўзбекистонда чипталарни интернет орқали сотиб олиш имконияти пайдо бўлди
Дата: 10:29, 12-10-2015.
Тошкент. 12 октябр. ЎзТАГ – “Ўзбекистон темир йўллари” АЖ сайти орқали чипталарга интернет орқали буюртма бериш ва сотиб олиш имконияти пайдо бўлди, деб хабар беради Ўзбек телеграф агентлиги (ЎзТАГ).
Компаниядан хабар қилишларича, хизмат ҳозирда синов тариқасида ишламоқда. Чиптага Uzcard тизимидаги online пластик карта орқали миллий валютада ҳақ тўлаш мумкин. Чипталарнинг мамлакат ичидаги ва халқаро йўналишларга сотиб олиш имконияти бор.
Чиптани расмийлаштириш учун сайтда рўйхатдан ўтиш зарур. Сайтда рўйхатдан ўтиш, буюртмани тасдиқлаш ва тўловни амалга ошириш MBANK тўлов тизими билан маълумотлар алмашилганидан сўнг, uzrailway.uz сайтида электрон рўйхатдан ўтиш хизмати электрон чиптага ҳақ тўлангандан кейин амалга оширилади.
