Ўзбекистонда деярли 16 минг бизнес субъектлари текширувлардан озод қилинди
Дата: 17:26, 15-08-2016.
Тошкент. 15 август. ЎзТАГ – Ўзбекистонда 15849 бизнес субъектлари 2016 йилги текширувлар рўйхатига киритилмади, деб хабар беради Ўзбек телеграф агентлиги (ЎзТАГ).
Адлия вазирлигидан маълум қилишларича, бу ҳукуматнинг солиқ ва бошқа мажбурий тўловларни ўз вақтида тўлаётган, шунингдек, ишлаб чиқариш ҳажмларининг барқарор суръатларда ўсишини таъминлаётган кичик бизнес субъектларига берилган имтиёзларнинг натижаси бўлди.
Имтиёзга мувофиқ, юқоридаги субъектларга нисбатан 2017 йил 1 январигача текришувларга мораторий қўйилди.
Маълумот ўрнида, ҳозирда Ўзбекистонда 580 мингдан ортиқ тадбиркорлик субъектлари фаолият юритмоқда. Кичик бизнес ва тадбиркорликнинг мамлакат ЯИМ улуши 56,7%, аҳоли бандлигидаги улуши 77% ташкил қилади.
