Ўзбекистонда Elections.uz-2016 пресс-клуби очилди
Тошкент. 30 ноябр. ЎзТАГ – International Hotel Tashkentда Elections.uz-2016 пресс-клуби очилди, деб хабар беради Ўзбек телеграф агентлиги (ЎзТАГ).
Trend маълумотига кўра, ушбу мультимедия майдончаси Ўзбекистон электрон ОАВлар Миллий ассоциацияси (ЭОАВМА) томонидан Ахборот технологиялари ва коммуникацияларни ривожлантириш вазирлиги кўмагида ташкил қилинди.
“Ушбу мультимедия майдончасида юқори тезликда интернет алоқасига уланган 80та компьютер, Wi-Fi алоқаси, мамлакатдаги 10та ҳудудий нодавлат телестудиялар билан боғланиш имконияти яратилган. Шунингдек Марказий сайлов комиссиясининг матбуот-хизмати билан тўғридан-тўғри алоқа йўлга қўйилган”, - деди пресс-клуб раҳбари, ЭОАВМА раиси Фирдавс Абдухаликов.
Пресс-клуб иши жараёнида хорижий кузатувчилар ва халқаро ташкилотлар вакиллари билан интервьюлар, брифинглар ўтказиш кўзда тутилган.
Ўзбекистон Марказий сайлов комиссияси маълумотига кўра, президент сайловини ёритиш учун дунёнинг 20 мамлакатидан 1300га нафар журналист аккредитация қилинган. Ўзбекистон президент сайловлари 4 декабрда бўлиб ўтади.
