Ўзбекистонда электр узилишининг сабаблари қайд этилди
Тошкент. 29 ноябрь. ЎзТАГ – Ўзбекистон энергетика вазирлиги электр узилишининг сабабларини маълум қилди, дея хабар беради Ўзбек телеграф агентлиги (ЎзТАГ).
"Бизнинг умумий вазифамиз, истеъмолчи сифатида, электр энергиясидан оқилона фойдаланишни таъминлашдир – агар керак бўлмаса, электр асбобларини беҳуда уламасликдир. Лекин қанча электр фойдасиз сарфланади – туни билан эрталабгача ҳовлида бир чироқ ёниб туради, кўп қаватли бинолар подъездлари кираверишида ҳам шундай, ҳеч қандай эҳтиёж бўлмаса ҳам телевизорлар, радиоприёмниклар, компьютерлар, ёритиш ускуналари шу шулар жумласидан", - деб қайд этди техника фанлари номзоди Эсо Садуллаев мақоласида.
Мақолага кўра, электр энергиясининг бир қисми ўғирлик орқали ҳисобга олиш ва назорат қилиш тизимидан ташқари истеъмол қилинади, бу эса электр энергиясини исроф қилишга ҳамда эскирган ва замондан орқада қолган самарасиз технологияларни фойдаланишга олиб келади. Оқибатда истеъмол асоссиз ошиб, энергия блоклари, электр узатиш линиялари, трансформатор подстанциялари ва тарқатиш электр тармоқларининг ҳаддан ташқари юкланиши кузатилади, бу эса тизимли авариялар юзага келиши учун шарт-шароит яратиши мумкин.
"Уларни йўқ қилишнинг ишончли йўли – биз (барча истеъмолчилар ва энергия тизими) ҳамма нарсага, нима содир бўлаётганига, қандай "сурункали касалликлар"га қарши тура оламиз в салбий омилларсиз мутлақо янги вазиятга ўтишимиз учун ўз кучимизни ва ҳаракатимизни бирлаштиришимиз керак деб ўйлаймиз. Биздан – истеъмолчилардан энергия сарфи ва энергия тежаш масалаларига эҳтиёткорлик ва онгли муносабатда бўлишни талаб этилади, бу экология тозалиги, ўз саломатлигимиз, жамиятимиз ва она юртимизнинг ривожланишига ижобий таъсир кўрсатади", - деб якунланади мақола.
Сурат манбаи: t.me/minenergy_uz
