Ўзбекистонда электродвигателлар ишлаб чиқарилади

Тошкент. 7 октябр. ЎзТАГ – Жорий йилда Ўзбекистонда кичик қувватдаги электродвигателларни, - шу жумладан, автомобил саноати учун, - ишлаб чиқариш лойиҳасини амалга ошириш бўйича ишлар бошланади, дея хабар беради Ўзбек телеграф агентлиги (ЎзТАГ).

Умумий қиймати $8 млн бўлган лойиҳани амалга ошириш Ўзбекистоннинг жорий йилдаги Инвестиция дастурида кўзда тутилган.

Bibi.uz интернет-ресурси маълумотларига кўра, ишлаб чиқариш қувватлари “Навоий” ЭИСҲда жойлаштирилади. Бугунда лойиҳанинг бизнес режаси ва инвестор танлаш ишлари ишлаб чиқилиш босқичида.

Ушбу лойиҳада ўзбек томонидан ҳамкор сифатида “Ўзавтосаноат” акционерлик компанияси қатнашиши мумкин. Ишлаб чиқариш йўлга қуйилганидан кейин бу ерда йилига 280 минг турли электродвигателлар ишлаб чиқарилади.