Ўзбекистонда энг кекса университетлардан бирининг номи ўзгартирилди

Самарқанд. 1 июн. ЎзТАГ –Самарқанд давлат университетидан (СамДУ) Алишер Навоий номи олиб ташланди. Ушбу ном ўқув юртига 1941 йилда берилган эди, деб хабар беради Ўзбек телеграф агентлиги (ЎзТАГ).

Ўзбекистон Республикаси Вазирлар Маҳкамасининг 24 майдаги қарорига мувофиқ, эндиликда СамДУ "Самарқанд давлат университети" деб номланади. Бундай қарор Алишер Навоий номидаги Тошкент давлат ўзбек тили ва адабиёти университети очилиши муносабати билан  қабул қилинган.

Эслатиб ўтамизки, СамДУ 1927 йилда очилган бўлиб, мамлакатнинг энг кекса университетларидан биридир. Ўшанда ОТМ Ўзбек педагогик институти деб номланган. 1930 йилда таълим даргоҳи Ўзбек давлат педагогика академиясига қайта номланган. 1933 йилда академия ва Ўзбек давлат тиббиёт институти негизида Ўзбек давлат университети ташкил этилган.

1941-1944 йилларда Ўзбек давлат университети Тошкент давлат университети билан вақтинчалик бирлаштирилган. 1944 йилдан университет ўз фаолиятини яна Самарқандда давом эттирган. 1960 йилда Ўзбек давлат университети Алишер Навоий номидаги Самарқанд давлат университетига қайта ўзгартирилган.

Бугунги кунда СамДУда 11 факультет, шунингдек, кадрларни тайёрлаш ва малакасини ошириш факультети мавжуд. 2015-2016 ўқув йилида у 1615 талабани ўқишга қабул қилган.