Ўзбекистонда энг йирик янги авлод текстиль комплекси очилди

Тошкент. 22 ноябр. ЎзТАГ – Ўзбекистоннинг Наманган вилояти Учқўрғон туманида энг йирик янги авлод текстиль комплекси очилди, деб хабар беради Ўзбек телеграф агентлиги (ЎзТАГ).

UZTEX матбуот хизмати маълумотига кўра, бу экспорт қуввати $50 млн бўлган UZTEX UCHKURGAN ва UCHKURGAN TEXTILE заводларини ўз ичига олган калава ип ва тикув ишлаб чиқаришдан иборат.

“Корхона меҳмонлари учун комплекс бўйлаб экскурсия ташкил қилинди. Барча UZTEX UCHKURGAN Ўзбекистондаги энг йирик текстиль комплекси эканлигига ишонч ҳосил қилди. Бу ерда замонавий усулда пахта ва аралаш толадан калава ип, қатланган ип, момиқ матолар ва тайёр тикув маҳсулотлари ишлаб чиқарилади. Ўрнатилган технологик ускуналар импорт ўрнини босувчи маҳсулотлар ишлаб чиқаришга имкон беради”, - дейилади корхона хабарида.

Ишлаб чиқариш жараёнига 1200 киши жалб этилган. Тайёр маҳсулотнинг катта қисми экспорт қилинади. Комплекснинг қуввати йилига 16,5 минг тонна мҳсулотга тенг. Калаванинг бир қисми UZTEX UCHKURGANнинг ўзида қайта ишланади.

Комплекс замонавий тикув ускунлари билан жиҳозланган бўлиб,  7 минг тонна момиқ ва қаттиқ матолар ишлаб чиқариш қувватига эга. Тикув фабрикасининг технологик жиҳозланиши кенг турдаги матолар ишлаб чиқаришга имкон беради.