Ўзбекистонда ер участкаларини олиб қўйиш ва компенсация беришнинг янги тартиби ўрнатилди

Тошкент. 18 ноябрь. ЎзТАГ – Ўзбекистонда ер участкаларини олиб қўйиш ва компенсация беришнинг янги тартиби ўрнатилди, дея хабар беради Ўзбек телеграф агентлиги (ЎзТАГ).

Адлия вазирлигининг маълумотларига кўра, ҳукумат қарори (№911, 16.11.2019 й.) томонидан ер участкаларини олиб қўйиш ва олиб қўйилаётган ер участкасидаги кўчмас мулк объектлари мулкдорларига компенсация бериш тартиби тўғрисидаги Низом тасдиқланди.

"Ер участкасини олиб қўйиш зарур бўлганда, биринчи навбатда, ҳокимлик ёки инвесторлар ва мулкдорлар ўртасида ОАВ иштирокида очиқ муҳокамалар ўтказилади; ҳокимлик ёки инвестор томонидан дастлабки ҳисоб-китоблар амалга оширилади, шунингдек, компенсация бериш учун етарли ресурслар мавжудлигини ўрганилади", – дейилади хабарда.

Шунингдек, Қорақалпоғистон Республикаси Жўқорғи Кенгеси, халқ депутатлари кенгашлари ер участкасини олиб қўйилишидаги фойда ва харажатлар ўрганиб чиқилади, ресурслар етарли бўлганида ҳамда фойда ва харажатлар устун келган тақдирда ер участкасини олиб қўйиш тўғрисида қарор қабул қилинади. Ҳокимликлар ер участкасини олиб қўйиш тўғрисида қарор қабул қилишга ваколатли эмас.

Қайд этилганидек, олиб қўйиш режалаштирилган ер участкасидаги кўчмас мулк баҳолаш ташкилоти томонидан баҳоланади; ҳокимият ёки инвестор ва мулкдорлар компенсация бериш тури, миқдори ва муддати тўғрисида келишилади ва бу битим нотариал тартибда тасдиқланади; ҳокимлик ёки инвестор томонидан мулкдорларга компенсация бериш бўйича ишлар амалга оширилади.

Бундан ташқари, кўчмас мулк объектларининг келишилган компенсация тақдим этилмасдан бузиб ташланишига қуйидагиларга йўл қўйилмайди: мулкдорларга компенсация тақдим этилгандан кейин мулкдор томонидан кўчмас мулк бўшатиб берилади; кўчмас мулкни бузиш тўғрисидаги қарор лойиҳаси ҳокимликлар томонидан хулоса бериш учун адлия органларига юборилади; адлия органлари компенсация тақдим этилганлигини, уй-жойни ҳақиқатан бўшатиб қўйилганлигини ва бошқа ҳолатларни ўрганиб чиқиб, ҳокимликларга ўз хулосасини тақдим этади; адлия органларининг хулосаси ижобий бўлгандагина кўчмас мулкни бузиб ташлаш тўғрисидаги қарор қабул қилинади.

"Олиб қўйилаётган ер участкасида жойлашган кўчмас мулк объектларини бошқа шахсга ўтказиш фақат битим имзолангандан кейин ёки битим бекор қилинган тақдирда (шартномада назарда тутилган тартибда, тарафларнинг розилиги билан ёки суд тартибида) ташаббускорнинг ёзма розилиги мавжуд бўлган тақдирда йўл қўйилади" – дейилади хабарда.

Бузиб ташланиши керак бўлган кўчмас мулк объектини сотиб олган мулк эгаси аввалги мулкдорнинг ушбу Низомга мувофиқ тузилган битимдан келиб чиқадиган ҳуқуқ ва мажбуриятлари бўйича ҳуқуқий вориси ҳисобланади.

Қайд этилдики, ер участкаларини олиб қўйиш, кўчмас мулк объектларини бузиб ташлаш, фуқароларни кўчириш, шунингдек, компенсация беришда Қонунчилик талабларининг бажарилишини назорат қилиш прокуратура органлари томонидан амалга оширилади.

"Ушбу тартиб 2020 йил 1 январдан кучга киради", – дейилади хабарда.

Бундан ташқари, матбуот хизмати ер участкасини олиб қўйиш тартибини бузганлик учун, шунингдек, ушбу тартибни бузиш натижасида кўчмас мулкка зарар етказганлик учун маъмурий жавобгарликни кучайтириш ва жиноий жавобгарлик белгилаш бўйича қонун лойиҳаси ишлаб чиқилганлигини эслатиб туради.

Сурат манбаи: mkset.ru