Ўзбекистонда фан, адабиёт ва санъат асарларини давлат рўйхатидан ўтказиш бекор қилинди
Тошкент. 16 ноябр. ЎзТАГ – Ўзбекистонда фан, адабиёт ва санъат асарларини давлат рўйхатидан ўтказиш бекор қилинди, деб хабар беради Ўзбек телеграф агентлиги (ЎзТАГ).
Бу ҳукуматнинг 2016 йил 20 октябрдаги “Ўзбекистон Республикаси Интеллектуал мулк агентлиги фаолиятини такомиллаштириш чора-тадбирлари тўғрисида”ги қарори билан кўзда тутилган. Унда Интеллектуал мулк агентлигининг асосий вазифалари ва фаолиятининг асосий йўналишлари белгиланди.
Хужжатда ИМА унга хос бўлмаган ва умрини ўтаб бўлган вазифаларни бекор қилиш зарурлиги таъкидланган.
Уларга шу жумладан илм-фан, адабиёт ва санъат асарларига бўлган авторлик ҳуқуқининг давлат рўйхатидан ўтказилиши киритилган. Бунда Бутунжаҳон интеллектуал мулк ташкилотининг Берн конвенциясига мувофиқ тегишли асарнинг яратилгани факти бўйича авторлик ҳуқуқининг юзага келишини белгиланган.
Шунингдек, Ўзбекистон Республикаси Адлия вазирлигининг ваколатларини такрорламаслик учун мулкий ҳуқуқларни кўпчилик асосида бошқараётган ташкилотларни давлат рўйхатидан ўтказиш, интеллектуал мулк объектларидан фойдаланишга лицензия шартномаларини рўйхатга олишнинг амалдаги механизмини такрорламаслик учун Ўзбекистон Республикаси ҳудудида интеллектуал мулк объектларидан фойдаланаётган юридик ва жисмоний шахсларнинг ҳисобини юритиш бекор қилинган.
