Ўзбекистонда ФИФА ва УЕФА турнирлари учун тўп ишлаб чиқариш йўлга қўйилади

Тошкент. 25 июль. ЎзТАГ – Ўзбекистонда Халқаро футбол федерацияси (ФИФА) ва Европа футбол уюшмалари Иттифоқи (УЕФА) мусобақалари учун тўп ишлаб чиқаришни йўлга қўяди, дея хабар беради Ўзбек телеграф агентлиги (ЎзТАГ).

"22 июль куни Покистондаги Ўзбекистон элчиси Фурқат Сидиқовнинг Сиалкота шаҳрига (Панжоб вилояти) ташрифи доирасида «Forward Group» компанияси соҳиби Хваж Маъсуд Аҳтар билан учрашув бўлиб ўтди», - дейилади Ташқи ишлар вазирлиги (ТИВ) матбуот хизмати хабарида.

Таъкидланганидек, 2017-2019-йилларда Андижон вилоятида МДҲ ва Европа маконида ўхшаши бўлмаган «Forward-TH Sports» заводини қуриш бўйича кенг кўламли ишлар амалга оширилди. Қўшма корхонанинг ишлаб чиқариш салоҳияти ойига 3 минг тўпга тенг.

"УЕФА", "ФИФА" ва бошқа "Ўзбекистонда ишлаб чиқарилган" бренди остида халқаро футбол турнирлари учун тўп ишлаб чиқариш республиканинг сифати ва ишлаб чиқариш салоҳиятини намойиш этади", - дейилади хабарда.

Андижон вилоятида «Forward-TH Sports» лойиҳаси муваффақиятли амалга оширилган тақдирда, компания Ўзбекистонда жаҳон футбол клублари учун спорт сумкаси ва кийим-кечак ишлаб чиқариш соҳасида янги инвестиция лойиҳаларини амалга оширишни режалаштирмоқда.

Сурат манбаи: meetup.com