Ўзбекистонда футбол бўйича мамлакат термасининг бирданига икки тренери алмаштирилди
Тошкент. 23 июн. ЎзТАГ – Ўзбекистонда футбол бўйича мамлакат термасининг бирданига икки тренери алмаштирилди. Эндиликда миллий терма жамоани Самвел Бабаян, олимпиа термасини Виктор Жалилов бошқаради, деб хабар беради Ўзбек телеграф агентлиги (ЎзТАГ) Ўзбекистон Футбол федерациясига (ЎФФ) асосланган ҳолда.
Маълумотга кўра, “Пахтакор” бош мураббийси С.Бабаян терма жамоани кейинги уч йил давомида бошқарган Миржалол Қосимовнинг ўрнига тайинланган.
Эндиликда С.Бабаян фақат миллий терма жамоа билан ишлайди.
Юқоридаги ўзгаришлар 16 июн куни Ўзбекистон миллий термасининг 2018 йилни жаҳон чемпионати иккинчи малака раунди доирасидида Пхеньянда КХДР термасидан 2:4 мағлудиятга учраганидан кейин амалга оширилди. Шундан сўнг ўзбекистонлик футбол ишқибозлари ижтимоий тармоқларда Қосимовни миллий терма мураббийлигидан озод қилишга доир петиция билан чиққан эдилар.
Бундан ташқари, Виктор Жалилов Бахтиёр Ашурматовнинг ўрнига олимпиа термасининг бош тренери этиб тайинланди.
Эслатиб ўтамизки, М.Қосимов терма жамоага 2009-2010 йилларда раҳбарлик қилган, 2012 йил июнда ЖЧ-2014 саралашидаги муваффақиятсиз стартдан кейин уни яна ўз қўлига олган эди. Бундан ташқари, “ўзбек Марадонаси” 2007 йилда тошкентнинг “Бунёдкор” жамоасига ҳам етакчилик қилган ва уни 2008 йилги Осиё чемпионлар лигаси ярим финалига олиб чиққан ҳамда икки мамлакат чемпионлигини олиб берган (2011 ва 2012 йилларда).
Ўзбекистон миллий термасининг 2018 йилни жаҳон чемпионати саралашидаги навбатдаги ўйини 3 сентябрда Яман термасига қарши Тошкентда бўлиб ўтади. Жамоа Россиядаги мундиаль малака босқичини давом эттириши учун гуруҳдаги биринчи-иккинчи ўринлардан бирини олиши зарур. Гуруҳда яна Баҳрайн ва Филиппин термалари ҳам бор.
