Ўзбекистонда ихтисослашган футбол телеканали очилади
Дата: 21:46, 30-01-2017.
Тошкент. 30 январ. ЎзТАГ – Ўзбекистонда ихтисослашган футбол телеканали очилади. У Uzreport TV томонидан ташкил қилинмоқда, деб хабар беради Ўзбек телеграф агентлиги (ЎзТАГ).
Futbol TV телеканалига лицензия бериш қарори Ўзбекистон Республикаси Вазирлар Маҳкамаси қошидаги Муассасалараро мувофиқлаштирувчи қўмита томонидан қабул қилинган.
Қўшимча қиламизки, Uzreport TV телеканали Ўзбекистонда Чемпионлар лигаси ва УЕФА Европа Лигаси, Англия премьер-лигаси ва Испания чемпионатини кўрсатиш бўйича эксклюзив ҳуқуқларни сотиб олган.
Ҳозирда Futbol TV телеканали лицензиясини расмийлаштириш ва ташкилий-техник ишлар кетмоқда.
Канал бутун Ўзбекистонда март ойидан бошлаб ишлай бошлайди.
