Ўзбекистонда иккинчи марта Аёлларнинг технологик тадбиркорлик ҳафталиги бошланди

Тошкент. 24 март. ЎзТАГ – Ўзбекистонда иккинчи марта Аёлларнинг технологик тадбиркорлик ҳафталиги бошланди, деб хабар беради Ўзбек телеграф агентлиги (ЎзТАГ).

“2018-йилнинг 23-28-март кунлари Ўзбекистоннинг бир қатор шаҳарларида мамлакатимизда иккинчи бор ташкил етилаётган ҳамда қизлар учун мўлжалланган “Technovation Uzbekistan” йирик технологик дастури доирасида Аёлларнинг технологик тадбиркорлик ҳафталиги ўтказилади. “Women Technology and Innovation Week” тадбирида Кремний водийси ва Марказий Осиёнинг АТ ва технологик тадбиркорлик соҳасидаги етакчи мутахассислар: Калифорниядан “TechWomen Technovation” халқаро дастурларнинг ментор ва судяси Рекха Пай, “Technovation Каzакhstan”нинг минтақавий элчиси ва ташаббускори Диана Сой, Қозоғистондаги бошланғич стартап-лойиҳалар бўйича эксперт Бахтигул Қосимовалар иштирок етишади. Ҳафталик тадбирларида СТЭМ ва дигитал-тадбиркорлик соҳаларида карьера қилаётган маҳаллий эксперт аёллар ҳам иштирок этишади. Улар орасида Биоорганик кимё институти директори ўринбосари, биология фанлари доктори Шаҳло Турдиқулова, ПР-експерт Резида Эрдман, Beeline Uzbekistanнинг дигитал-маркетинг бўйича катта менежери Дилафруз Жийрановалар ҳам бор”, - дейилади Ахборот технологиялари вазирлиги матбуот хизмати хабарида.

Семинарлар мавзуси технологик стартаплар, ижтимоий тадбиркорлик, менторлар ва карmера танлови соҳасини қамраб олади. Алоҳида бўлим аёлларнинг бизнес ва фан соҳасидаги фаолиятига бағишланган. Бизнес-лойиҳалар, тақдимотга тайёргарлик, Technovation-2018 қатнашчилари учун индивидуал ва амалий сессиялар бўйича маҳорат дарслари ўтказилади. Жамоалар ва менторлар энг илғор хорижий амалиётлар тўғрисида маълумотга эга бўлишади. Тадбир давомида жамоаларнинг Юқори технологиялар марказига саёҳат уюштириши учун бир кун вақт ажратиш режалаштирилган.

“Ҳафталикнинг семинарлари ва маҳорат-дарслари Тошкентда (23-25-март, ТАТУ, Юқори технологиялар маркази ва Тошкент шаҳридаги Инҳа университети), Урганчда (26-март) ва Хива (27-март) бўлиб ўтади. Ҳафталикнинг барча тадбирлари Technovation Uzbekistan-2017/2018 дастурининг иштирокчилари ва менторлари учун мўлжалланган. Барча хоҳловчилар учун сессия 2018-йилнинг 25-март куни баҳорги “StartupMix” конференцияси шаклида ўтказилади.

Сурат манбаи: http://www.kultura.uz/view_2_r_9703.html