Ўзбекистонда илк маротаба ротавирусли диареяга қарши вакцинация ўтказилади

Тошкент. 28 апрель. ЎзТАГ – Ўзбекистонда йилнинг иккинчи ярмида бутун мамлакат бўйлаб илк маротаба олти ойдан бир ёшгача бўлган болаларни ротавирусли диареяга қарши вакцинация қилиш амалга оширилади, дея хабар беради Ўзбек телеграф агентлиги (ЎзТАГ) Соғлиқни сақлаш вазирлиги вакилига асосланган ҳолда.
“Биз октябрь ойининг охирига қадар вакцинацияни тўлиқ якунлашни режалаштирмоқдамиз, барча стационар муассалар бунга тайёр”,- деб таъкидлади ССВ вакили.
Ротавирусли инфекция (ротавирусли гастроэнтерит, ошқозон гриппи, ичак гриппи) – ротавируслар томонидан қўзғатиладиган юқумли касаллик. Умумий интоксикация ва ошқозон-ичак йўлининг яллиғланиши билан характерланади. Ушбу касаллик ўткир бошланиши билан ажралиб туради: касалликда тана ҳарорати кўтарилади, ич кетиши, қайт қилиш кузатилади. Касалликка кўпроқ болалар ва кексалар чалинади. Катталарда касаллик енгиш шаклда ўсади.
Мамлакат Соғликни сақлаш вазирлиги маълумотларига кўра, мамлакатда асосий беш олдини олиш мумкин бўлган касалликларга (полиомиелит, дифтерия, кўкйўтал, қизамиқ, қоқшол) қарши вакцинация даражаси охирги беш йил ичида 60 фоиздан 95 фоизгача ўсди.