Ўзбекистонда индивидуал божхона, солиқ ва бошқа имтиёзлар бекор қилинади

Тошкент. 19 декабр. ЎзТАГ – 2018 йил 1 февралдан бошлаб Ўзбекистонда алоҳида хўжалик субъектларига мамлакатга озиқ-овқат маҳсулотларини олиб кириш бўйича тақдим этилган индивидуал божхона, солиқ ва бошқа имтиёзларни бекор қилиш режалаштирилмоқда, деб хабар беради Ўзбек телеграф агентлиги (ЎзТАГ).

Бунинг учун Ўзбекистон Бош прокуратураси президентнинг “Мамлакат озиқ-овқат хавфсизлигини таъминлаш бўйича чора-тадбирлар тўғрисида”ги қарори лойиҳасини ишлаб чиқди.

Президент 2018 йилнинг 1 февралидан бошлаб Ўзбекистонда алоҳида хўжалик субъектларига мамлакатга озиқ-овқат маҳсулотларини олиб кириш бўйича тақдим этилган индивидуал божхона, солиқ ва бошқа имтиёзлар бекор қилиниб, ҳукуматга бундай қарорни қабул қилишни таъқиқлайди.

Режаларга кўра, давлат раҳбари 2018 йилда озиқ-овқат маҳсулотларини етказиб берувчиларни қидириш ва жалб этиш, улар учун бозорга киришда тенг имкониятлар яратиш, олиб кирилган маҳсулотлар бўйича шартномалар тузиш, уларни ташиш ва сақлашда кўмаклашиш, шунингдек аҳолининг сифатли ва арзон озиқ-овқат маҳсулотларига бўлган талабини тўлиқ қондиришга қаратилган бошқа чора-тадбирлар бўйича комплекс чора-тадбирлар ишлаб чиқишни топширади.

Шунингдек, Ўзбекистоннинг барча вилоятларида давлат-хусусий ҳамкорлиги шартларида озиқ-овқат маҳсулотларини сақлаш учун омборхона, музлатгичлар, шунингдек, уларни қайта ишлаш бўйича объектлар қурилади. 

Шунингдек, Ўзбекистон раҳбари истеъмол товарларини республика товар-хом ашё биржасида сотиш ва сотиб олишга киритилган тақиқ бекор қилиш ниятида. Товар-хом ашё биржаларининг очиқ электрон савдоларида озиқ-овқат маҳсулотларини харид қилиш ва сотиш учун улгуржи савдони амалга ошириш учун махсус лицензия зарур бўлмайди.

Сурат манбаи: фото из открытых источников