Ўзбекистонда интеллектуал мулк объектларига доир 4,596 минг ариза қабул қилинди

Тошкент. 28 октябр. ЎзТАГ – 2014 йилнинг 9 ойида Ўзбекистон Интеллектуал мулк агентлиги томонидан интеллектуал мулк объектларига доир 4,596 минг ариза қабул қилинди. Бу, ўтган йилнинг муқобил давридаги кўрсаткичга деярли тенгдир (+0,8), дея хабар беради Ўзбек телеграф агентлиги (ЎзТАГ).

Агентликдан хабар қилишларича, аризалар умумий сонида ихтироларга 410та (+1%), фойдали моделларга 127та (-7,3 %), саноат намуналарига 157та (+18%), товар белгиларига 3,893 мингта (+0,5%), селекция ютуқларига 9та (-18,2%) тўғри келди.

Агентлик томонидан 2014 йилда 9 ойи давомида бажарилган ишлар ҳажми 15,9 млрд. сўмни ташкил қилди (+15%). Интеллектуал мулк объектларига 4,376 мингта талабномалар бўйича давлат экспертизаси ўтказилди (+8,2 %).

1 октябрга келиб, давлат реэстрларида 1,639 мингта интеллектуал мулк объектлари рўйхатидан ўтказилди. Ўтган вақт давомида 2017 та муҳофаза ҳужжатларининг амал қилиш муддатларини узайтириш ва кучда сақлаб туриш тўғрисидаги расмий илтимосномалар қаноатлантирилди.