Ўзбекистонда интернет-провайдерлар учун тарифлар пасайтирилди

Тошкент. 11 декабр. ЎзТАГ – “Ўзбектелеком” Акционерлик компанияси (АК) Ўзбекистон провайдерлари учун интернет-хизматлар (ташқи канал) тарифларининг сентябрдаги 1 Мбит/секундига $286,74 ўрнига, декабрга келиб 1 Мбит/секундига $276,27гача пасайтирилганлиги ҳақида маълум қилди, дея хабар беради Ўзбек телеграф агентлиги (ЎзТАГ).

Компания сайтида жойлаштирилган маълумотга кўра, янги тарифлар 2014 йилнинг 4 декабридан бошлаб амал қилади. Жорий йилда тарифлар бир неча маротаба пасайтирилди. Хусусан, 11 июнда тарифлар 1 Мбит/секундига $306,04гача, 11 июлдан бошлаб $303,51гача, 29 августдан бошлаб $299,22гача, 11 сентябрдн бошлаб $286,74гача ва 4 декабрдан бошлаб $276,27гача туширилган эди.

Эслатиб ўтамизки, ўтган 2013 йилда интернет-провайдерлар учун тарифлар 5 марта пасайтирилиб, январда 1 Мбит/с $409 турган бўлса, декабрга келиб унинг баҳоси 1 Мбит/секундига $322га қадар туширилди.

Илгари ЎзТАГ 2014 йилнинг 3-чораги якунлари бўйича “Ўзбектелеком” АК 28,98 млрд сўм миқдорда соф фойда олганлиги ҳақида хабар қилган эди.