Ўзбекистонда инвесторларни национализация ва экспроприация қилишдан ҳимоя қилиш кафолатланади

Тошкент. 26 декабрь. ЎзТАГ – Ўзбекистонда инвесторларни национализация ва экспроприация қилишдан ҳимоя қилиш кафолатланади, дея хабар беради Ўзбек телеграф агентлиги (ЎзТАГ).

"Инвесторларнинг инвестиция ва бошқа активлари национализациялаштирилмайди. Инвесторларнинг инвестиция ва бошқа активлари реквизиция (экспроприация), табиий офатлар, бахтсиз ҳодисалар, эпидемиялар, эпизоотиялар ва фавқулодда бўлган бошқа ҳолатлар бундан мустасно", - дейилади 25 декабрда имзоланган "Инвестиция ва инвестиция фаолияти тўғрисида"ги қонунда.

Қайд этилганидек, давлат Ўзбекистон қонунчилиги ва халқаро шартномаларга мувофиқ инвестицияларни ҳимоя қилишни кафолатлайди.

Бундан ташқари, қонун хорижий ва маҳаллий инвесторлар томонидан амалга ошириладиган инвестициялар ва инвестиция фаолияти соҳасидаги муносабатларни тартибга солади.

Инвесторлар чет эл валютасидаги пул маблағларининг Ўзбекистонга ва ундан ҳеч қандай чекловларсиз, улар солиқ ва тўловлар тўлаган тақдирда, шу жумладан, валютани репатриация қилиш учун конвертация қилишлари кафолатланади.

Хорижий инвестор инвестиция фаолиятини тўхтатиш ва активларни репатриация қилиш ҳуқуқига эга.

Қонун ҳужжатлари, агар уларнинг бажарилиши инвестор ёки инвестицияга зарар етказса, тескари кучга эга эмас.

Агар Ўзбекистоннинг кейинги қонунчилиги инвестиция шартларини ёмонлаштирса, инвестициялаш вақтидан бошлаб 10 йил мобайнида инвесторларга инвестиция санасида амал қилган қонун ҳужжатлари қўлланилади.

Инвестор ўз ихтиёри билан янги Қонунчилик қоидаларини қўллаш ҳуқуқига эга, бу унинг инвестиция шартларини яхшилайди.

Сурат манбаи: focus.ua