Ўзбекистонда ишлаб чиқарилган Ravon Nexia Россияда сотилаётган энг арзон автомашиналар бешлигига кирди
Дата: 17:25, 09-08-2016.
Тошкент. 9 август. ЎзТАГ – Экспертлар Россиянинг автомобиль бозорини таҳлил қилиб, нархи 600 минг рублдан ортиқ бўлмаган топ-5 транспорт воситаларини аниқладилар, деб хабар беради Nuz.uz нашри ftimes.ruга асосланган ҳолда.
“Ravon Matiz бюджет автомобиллари орасида етакчилигича қолмоқда (нархи 300 мингдан 400 минг рублгача), кейинги ўринда маҳаллий LADA Granta (343 мингдан 552 минг рублгача) ва учинчи поғода россиянинг Priora машинаси бўлиб, унинг баҳоси 369 мингдан 471 минг рублгача”, - дейилади мақолада.
Яна кўрсатилишича, тўртинчи ва бешинчи ўринларда Асакадаги GM Uzbekistan заводида ишлаб чиқарилган Ravon Nexia (нархи 379 минг рублдан) ва R2 (нархи 389 минг россия рублидан бошлаб) автомобиллари бормоқда.
