Ўзбекистонда ишлаётган пенсионерларга ойлиги тўлиқ тўланиши мумкин
Тошкент. 30 апрел. ЎзТАГ – Ўзбекистонда ишлаётган пенсионерларга ойлиги тўлиқ тўлай бошланиши мумкин, деб хабар беради Ўзбек телеграф агентлиги (ЎзТАГ).
Бу Ўзбекистон Молия вазирлиги ҳузуридаги Бюджетдан ташқари Пенсия жамғармаси томонидан ишлаб чиқилган Давлат пенсия тизимини ислоҳ қилишга доир концепция билан кўзда тутилган. Ҳужжат ҳозирда муҳокамага қўйилган.
Хусусан, лойиҳа барча ишлаётган пенсионерларга ойлик маошини тўлиқ олиш ҳуқуқини беришни кўзда тутади.
Бундан ташқари, лойиҳа ёш бўйича пенсия тўлаш учун энг кам стажнинг 7 йилгача оширилиши, шунингдек, пенсия ёшини босқичма босқиб ошириб, ўртача дунё даражасига етказиш таклиф этилмоқда.
Эслатиб ўтамизки, Ўзбекистон пенсия тизими мамлакат аҳолисининг тахминан 10%ини, яъни 3,3 млн кишини қамраб олади. Ўзбекистонда ёшга доир пенсияларни – 2502,6 минг киши, ногиронлик бўйича – 360,3 минг киши, боқувчисини йўқотганлик бўйича – 168,5 минг киши, ижтимоий нафақа – 294,1 минг киши олади.
“Етарли даражада юқори иш ҳақи ва давомли стажга эга фуқаролар ҳисобига ҳануз пенсия таъминотининг ўзини оқламаган имтиёзлари амалда, пенсия таъминоти бўйича ўзини оқламаган имтиёзлар амалда, пенсия ҳажми ва суғурта тўлови ўртасидаги алоқа заифлашган”, - деб таъкидланади ҳужжатда.
Лойиҳа ташаббусчиларининг фикрига кўра, бу яқин келажакда даромадлар ва пенсия фонди харажатлари мувозанати бузилишига олиб келади, бу эса пенсиялар ва ижтимоий тўловларни молиялаштиришга салбий таъсир кўрсатади.
Сурат манбаи: https://ria.ru/society/20150217/1048114470.html
