Ўзбекистонда қиймати $103 млнлик газ элетростанциясини қуриш кечиктирилди

Тошкент. 7 апрель. ЎзТАГ – Ўзбекистонда “Навоий тоғ-металлургия комбинати” давлат компаниясини электр қуввати билан таъминлашга кўмаклашувчи янги газ электростанциясини қуриш номаълум муддатга кечиктирилди, дея хабар беради Ўзбек телеграф агентлиги (ЎзТАГ).
Лойиҳанинг қиймати $103 млн, электростанция қуввати 200 МВт, лойиҳани амалга ошириш муддати 2 йилга тенг бўлган.
Навоий вилояти портали берган хабарга кўра, лойиҳани амалга ошириш кечиктирилганига уни молиялаштириш манбаси йўқлиги сабаб бўлган. Бундан илгари электрон ОАВ электростанцияни қуриш бошлангани ва у 2014 йилги давлат инвестиция дастурига киритилгани ҳақида хабар берган эдилар.
Портал маълумотларига кўра, 2012 йилда Навоий вилоятида НТМКни электр қуввати билан таъминловчи умумий қиймати $34,2 млнлик объектлар қурилиб ишга туширилган.