Ўзбекистонда “Кўксарой” сув омбори ишга туширилди

Навоий. 10 декабр. ЎзТАГ – Навоий вилоятининг Хатирчи туманида “Кўксарой” сув омбори фойдаланишга топширилди, деб хабар беради Ўзбек телеграф агентлиги (ЎзТАГ).

“Иншоот 7,5 млн куб метргача оби ҳаётни сақлаш қувватига эга. 78 гектар майдонни эгаллаган мазкур иншоотда тўпланаётган сув миқдори ва таркибини аниқлаш, уни тақсимлаш учун бу ерда замонавий ускуналар ўрнатилган. Мутахассисларнинг фикрига кўра, унинг сув бериш қуввати йилига қарийб 12 млн куб метрга тенг”, - деб таъкидлашди Қишлоқ ва сув хўжалиги вазирлиги матбуот хизматида.

Муассаса маълумотларига кўра, мазкур иншоотнинг қурилиши тумандаги минг гектар экин майдонини сув билан таъминлаш, ерларнинг мелиоратив ҳолатини яхшилаш ва сел-тошқин ва бошқа табиий офатларнинг олдини олишга имкон беради.

Гидротехник иншоотни қуришга 21 млрд сўм маблағ сарфлангани ҳам таъкидланмоқда.

$1 = 2765,2 сўм