Ўзбекистонда касса ускунасини рўйхатдан ўтказиш учун аризани онлайн тарзда бериш мумкин
Дата: 16:44, 03-09-2014.
Тошкент. 3 сентябр. ЎзТАГ – Сентябрдан бошлаб назорат-касса ускунасини рўйхатдан ўтказиш учун аризани онлайн тарзда Ўзбекистон Ягона интерактив давлат хизматлари портали (ЯИДХП) орқали бериш мумкин, дея хабар қилади Ўзбек телеграф агентлиги(ЎзТАГ).
Ушбу янги хизматдан порталда рўйхатдан ўтган хўжалик субъектлари фойдаланишлари мумкин. Электрон аризалар тегишли солиқ хизматлари мутахассислари томонидан кўриб чиқилади. Текшириш натижалари бўйича хулоса аризачига жўнатилади.
Янги хизматнинг асосий афзаллиги вақтни тежашдан иборат. Бундан ташқари, портал орқали қабул қилинган аризалар устидан назорат аризанинг ўз вақтида кўриб чиқилишини таъминлайди.
